“හැබැයි මට ඒක ප්‍රශ්නයක් ‍නෙවෙයි…”

ඔව් … මම අන්තිමට රඟපෑවේ “හංස පිහාටු” ටෙලි නාට්‍යයේ. ඊට කලින් “මාද ඔබම විය” ටෙලි නාට්‍යය කළා. ඒ දෙකේම අවසන් අදියර වනවිට මම මව් පදවියට සැරසිලා හිටියේ. ඊට පස්සේ මම තාවකාලිකව රඟපෑමෙන් අයින්වුණා. පුතා ඉපදුනාට පස්සේ දැන් පුතාගේ කටයුතු වෙනුවෙන් තමයි දවසම ගත වෙන්නේ. පුතා ටිකක් ලොකු වෙනකල් රඟපාන්න යන්නේ නැහැ.

පුතාගේ නම “ආර්යන් ප්‍රිම්හාන්”.. එයාට දැන් වයස අවුරුද්දයි මාස 5 යි. දැන් නම් ටිකක් දඟයි. නිතරම එයා ළඟටම වෙලා ඉන්න ඕන.. දැන් වචන කෑලි කියනවා. හරියට වචන හසුරුවන්න බැරි වුණාට තාත්තා කියන වචනේ  නම් හරියටම කියනවා ..   

සැමියා (අනුරාධ පනංවල) වෘත්තියෙන් පෞද්ගලික ආයතනයක කළමනාකරුවෙක්. විදෙස් ගතවෙලා හිටියට එයාට මාසෙකට වතාවක් විතර ලංකාවට ඇවිත් යන්න පුළුවනි. අම්මා ඉන්නේ මගේ ළඟ. ගෙදර කටයුතු කරන්නේ අම්මා. මම පුතාගේ වැඩ ටික කරනවා.  

මම රඟපාන්න ගියත් වැඩියේ කාත් එක්කවත් සම්බන්ධ වෙන්නේ නැහැ.මට මේ ක්ෂේත්‍රයේ කිසිම යාළුවෙක් නැහැ. උත්සව අවස්ථාවකටවත් සම්මාන උළෙලකටවත් ආරාධනා ලැබෙන්නේ නැහැ. ඒකත් මගේ නිහඬ බවට හේතුවක් වෙන්න ඇති. හැබැයි මට ඒක ප්‍රශ්නයක් ‍නෙවෙයි. කලාවට ගොඩක් ආසයි . ඒත් මම මුල්තැන දෙන්නේ දරුවටයි ගෘහ ජීවිතයටයි.

මේ අවුරුදු 8ට කිසිම කටකතාවක් හැදිලාම නැහැ. කටකතා හිංදා ඇති වෙන්නේ ජනප්‍රි්‍රයත්වයක් ‍නෙවෙයි ප්‍රසිද්ධියක්. ඒ වගේ ප්‍රසිද්ධියකින් වැඩක් නැහැ. මට කටකතාවක් හැදිලා ඒත් එක්ක මාව රටේම කතාබහට ලක්වෙන චරිතයක් වුණොත් මට නම් දරාගන්න බැරි දුකක් ඇතිවෙයි. 

මට ගමන් බිමන් යන්න මගේ වාහනේ තියෙනවා. ඒ වගේම මම බස් එකේ යන අවස්ථාත් තියෙනවා. ඒ වගේ අවස්ථාවන්වලදී රසිකයින් මාව හඳුනාගෙන කතා කරනවා. සාමාන්‍යයෙන් ඕනෑම කාන්තාවක් ලස්සනට අඳින්න පළඳින්න ආසයිනේ .. මමත් එහෙමයි. ඒත් නිළියක් කියලා ගොඩක් හැඩට ඇඳගෙන ලොකු මේකප් එකක් දාගෙන පාරේ යන්න මම කැමති නැහැ..

කොහෙත්ම නැහැ.. එයා මම රඟපානවට ගොඩක් කැමතියි.ටෙලි නාට්‍යවලදී නළුවන් එක්ක පෙම් ජවනිකා රඟපාන්න වෙනවනේ. ඒ වගේ ජවනිකා රූපවාහිනියේ විකාශය 

හිනා වෙවී බලාගෙන ඉන්නවා. ඊට එහා කිසි දෙයක් කියන්නේ නැහැ.

මට වැඩියෙන්ම ලැබෙන්නේ අහිංසක චරිත. නපුරු චරිතයක් රඟපාන්න ආසයි. ඒ වගේම තමයි  සිනමාව තුළත් හොඳ රංගනයක් කරන්න ආශාවෙන් ඉන්නවා.